السلام عليكم ورحمة الله وبركاته



يا اخوان عندي قضية ارغب من المستشاريين ورجال المحاماة واهل الخير حل القضية ..

أول شي لدي اخ يدرس بالخارج عمره 23 سنة .. غير سعودي .. كان راجع بفترة الاجازة للسعودية ..

وطلع بيوم يتمشى مع اصحابه .. وتأخر عن البيت .. يوم يومين ثلاثة .. ماخلينا مكان الا ودورناه فيه .. اقسام الشرطة .. مكافحة المخدرات .. المرور .. المستشفيات ..

المهم لقيناه بعد طول عنااااء في البحث الجنائي .. وقالولنا انهم مسكوه في حلقة الاغنام ومعاه اثنين واحد يمني وواحد مصري سارقين خروف ..

طبعا تم تحويلهم الى قسم الشرطة وماجلس اكثر من يوم فورا تم تحويلهم على الادعاء العام ..

يا اخواني اخوي عمره مامد يده الى حرام ومن اهل الصلاة بالمساجد وبعيد كل البعد عن الحرام ..

اللي صار تم توقيفهم لمدة اسبوع على ذمة التحقيق .. ورحت جلست مع المحقق قالي انهم جميعا اعترفوا واخوك اعترف على نفسه بانه كان يسوق السيارة ..

مع العلم بان اخوي ماعنده رخصة والسيارة ماكانت له واعتقد بانه مايعرف يسوق من الاساس ..

انتظرنا يمر الاسبوع .. وبعده تم تحويل القضية لمحقق آخر في الادعاء العام وتم تمديد القضية 10 ايام اخرى ..



ما الحل بمثل هذه الامور ؟؟ وهل نستطيع ان نقدم استرحام الان للامير مشعل ؟؟ وايش ممكن ينحكم عليهم بمثل هذه الامور ؟؟

علما بانه طالب مجتهد وباخر سنوات دراسته ووالده متوفي ..

جزى الله خير كل من رد على تساؤلاتي .. وكفانا الله واياكم شر المصائب ...




.