حضانة - اختلاف محل إقامة الأبوين

[FAMOUS]

السلام عليكم
زوجتي خرجت من بيتي في مدينة الرياض وذهبت لابوها في قرية تبعد عن الرياض مسافة ٦٥٠ كم ومعها أولادي وطلبت الطلاق وتم الطلاق
هل يحق لي الحضانة بحكم اختلاف مكان إقامة الأبويين وبحكم انها خرجت من مدينة الرياض وذهبت إلى قرية اقل حالا من مدينة الرياض
ملاحظة :
الولد عمره ٤ سنوات
البنت عمرها سنتين ونص

وشكرا

[لجين]

عليكم السلام
ما أدري عن سؤالك
لكن وش تبي بحضانة طفلين !! حتى مايعرفون يزينون نفسهم لا بتغذية ولا رعاية
حرام مايعرف لهم غير أمهم ولا يستقر الطفل نفسيا الا بحضن أمه
وأنت بتاخذهم وتحطهم يا عند أهلك والا زوجتك
ومستحيل يكونون لهم مثل الأم

[عبدالرحيم 45]

ليس كل الأمهات ملائكة
وليس كلهن قادرات على رعاية الأطفال بشكل صحيح

[سائر]

سنتين و اربع سنوات صغار جدا الافضل الام تقوم فيهم انتظر لما يكبرو ويدخلو مدارس ممكن تطالب فيهم لان حالك افضل

[فايز511]

السلام عليكم
زوجتي خرجت من بيتي في مدينة الرياض وذهبت لابوها في قرية تبعد عن الرياض مسافة ٦٥٠ كم ومعها أولادي وطلبت الطلاق وتم الطلاق
هل يحق لي الحضانة بحكم اختلاف مكان إقامة الأبويين وبحكم انها خرجت من مدينة الرياض وذهبت إلى قرية اقل حالا من مدينة الرياض
ملاحظة :
الولد عمره ٤ سنوات
البنت عمرها سنتين ونص

وشكرا

وعليك السلام
تبي رايي لاتقرب المحاكم ماورها الاظلم لك ي رجل ابعد
وحضانه مالك حضانه لاتطلع لك اجر نفقه مغلظه واجرة سكن واجرة رضاعه
تدفع لين تشبع والمراه مصدقه عليك ويجيبون لك احاديث كلها تصب في مصلحتهاالقول قولها وهي مصدقه عليك
والرجل مايجيبون ولاحديث له كل شي ضدك نصيحتي حول نفقة عيالك على حساب طليقتك
ولاتقطع زيارتهم

[احمد الحربي g]

الحضانه اكيد لها والنفقه لها ولوطلبت بالسكن برضه لها .. خلهم عند امهم إذا فيه خير وصالحه .. ابعد عن المحاكم زي ماقال اخوي فايز . الله يعينك الرجال اتظلمو كثير من موضوع الطلاق والحضانه والنفقه .

[FAMOUS]

السلام عليكم
اشكر الجميع على الرد
كلامكم صحيح ياخوان
أنا لاريد حضانة ابنائي الان فهم صغار وبحاجة لامهم
وأنا كان قصدي أني أطالب بابنائي إذا وصلوا لسن ٦ سنوات
لان القرية التي فيها امهم تخوف من ناحية التربية والشئ ذا اشوفه في اخوان الام
والولد يحتاج لامه إذا كان صغير لكنه يحتاج لابوه إذا كبر
والمشكلة انه بعد الطلاق ينلغي دور الأب نهائيا بحجة ان الأم لها الحضانة وان المراءه لها حقوق
وهيا بالفعل لها حقوق
لكن ليس بالشكل اللي يعامل الأب فيه كغريب عن ابناءه وبالشكل اللي يخليه ماهو قادر على تربية ابناءه نهائيا
والنتيجة ضياع الابناء قدام عينك وأنت مانتقادر تسوي شئ

اشكركم ويشرفني مروركم

[لجين]

الان خلهم مع أمهم وأنسى موضوع الحضانة لمصلحة الجميع
إذا التحقوا بالمدارس تقدر تتفق مع أمهم
يكونون عندك وقت الدراسة مع زيارات للأم كل فترة
ووقت الإجازات يكونون عند الأم
أو العكس

مع أن الطفل سواء ولد وإلا بنت يحتاج لأمه
حتى في متابعة الواجبات بالمدرسة مين بيساعدهم ؟
طبيعة الأم تكون أقرب للطفل من الأب ولا فيه أحد يلغي دور الأب
لكن الأم تبقى أقرب وتفهم نفسياتهم

[احمد الحربي g]

الاب الان دوره بطاقة صراف وشغلتة تحويل اخر الشهر .. مافيه تحويل وظروفك صعبه تتوقف خدماتك وتنسجن ... لانته اتمتعت باولادك ولا استمر زواجك .. نسئل الله الصلاح ..قول يارب

[FAMOUS]

الاب الان دوره بطاقة صراف وشغلتة تحويل اخر الشهر .. مافيه تحويل وظروفك صعبه تتوقف خدماتك وتنسجن ... لانته اتمتعت باولادك ولا استمر زواجك .. نسئل الله الصلاح ..قول يارب

اخوي احمد
الله يصلح الحال بس