أشيروا علي يا كرام, فقد هضم حقي والله المستعان

[agaw2010]

السلام عليكم ورحمة الله وبركاته,,

قصتي محزنة وأليمة .. خاصة عندما تصدر ممن يعتقد فيهم الخير ويكونوا قدوة لغيرهم في سلامتهم من أكل الأموال بغير حق..

- كنت اشتغل بجهة خيرية مدة 19 سنة , وانتهى عقدي بتاريخ 30/12/1439 , وكتبوا لي خطاب استغناء عن خدماتي, ورفضوا يعطوني نهاية الخدمة ورصيد الإجازات ,قلت أروح مكتب العمل أشتكي . قالوا احنا جهة خيرية وراح يتعاطف معانا القضاة ,, وصاروا يهددوني لو اشتكيت عليهم مرة بالخروج النهائي ومرة ببلاغ هروب , ومرة بتوكيل محامي(شاطر زي ما يقولوا) واني لو كسبت القضية راح ( يشفطوا حقوقي مني) زي ما قال المدير ,وقال (بالحرف الواحد) : لوأدفع قد اللي تحكم لك المحكمة 100 مرة ولا تاخذ شيء !! فقلت له : اتق الله هذي فلوس المسلمين متبرعين فيها لأعمال الخير, كيف تصرفها عشان تاكل حقي ؟ قال هذا اللي جاك .. والله المستعان.
- الآن نقلت كفالتي والحمدلله ..
وكنت أبغى آخذ نهاية الخدمة والاجازات بس , لأنه جهة خيرية , وأحتسب الباقي عند الله, لكن شفتهم يهددوني وماهم مهتمين بفلوس المسلمين , قررت إني أطالب بكل حقوق,,
- فأبغى أعرف وش الحقوق اللي أطالب فيها , وكيف حسبتها
- راح أكتبها على شكل نقاط :
1) نهاية الخدمة , هل يضاف لها بدل السكن ( بالعقد مكتوب بدل سكن راتب ثلاث شهور) يسلم بشيك نهاية كل سنة؟
2) رصيد الإجازات عن كامل الخدمة(ما أخذت ولا سنة إجازة أو مبلغ بدلها), هل تحسب على آخر راتب استلمته أو كل سنة حسب الراتب اللي كنت استلمه فيها؟
3) بدل السكن , كان المدير يرفض يعطيني بدل السكن , ويقول مالك شي(مكتوب بالعقد يصرف له بدل سكن راتب ثلاث شهور), هل أطالب فيه؟ وهل يحكمولي فيه, وكيف أحسبه؟
4) تذاكر السفر. مكتوب العقد( يتحمل الطرف الثاني -يعني صاحب العمل- قيمة تذاكر السفر له ولزوجته), طبعا لم أسافر , هل أطالب بقيمة تذاكر السفر؟
5) هل يعتبر فصل تعسفي-أنا غير سعودي وانتهى عقدي لكن كاتبين بخطاب الفصل :( بناءا على الصلاحيات المخولة لنا وبناء على ما تقتضيه المصلحة العامة تقرر الاستغناء عن خدمات الموظف فلان بنهاية شهر ذي الحجة. طبعا في خطاب قبله ( نظرا لسعودة الجهات الخيرية أرجو منكم البحث عن عمل خلال شهر). والصحيح أنه لايوجد سعودة في هذه الجهة ولم يصدر قرار بسعودتها , ولكن المدير يريد فصلي فقط.لأسباب في نفسه,
- هل أطالب بتعويض عن هذا الخطاب؟
- هل أطالب بتعويض عن فترة تعطلي ثلاثة شهور بدون عمل ولا تصفية الحقوق ,وانتهاء الإقامة , وكم المبلغ؟

- أدري طولت عليكم ولكن هذا اللي قدرت أختصره.. وآسف جدا على الإطالة..http://www.cojss.com/vb/images/icons/000.gif

[م.فيصل الحسين]

وعليكم السلام ورحمة الله وبركاته
قدم شكوى لمكتب العمل.

[ابو محمد 2]

وعليكم السلام ورحمة الله وبركاته

كما افادك اخي الكريم تقدم بدعوى طالب فيها بجميع مستحقاتك والمحكمة العمالية ستحكملك بما تستحق.