محكمة الأحوال الشخصية

[شخص ٣]

[السلام عليكم ورحمة الله وبركاته جميعا ابي اهل الاختصاص يفيدوني وعسى ربي يفتح له ويوفقكم جميعاً..
بدايت مشكلتي مع زوجتي خلاف بسيط وضربتها ضرب لايذكر يعني وصار اللي صار وطلعت برى المنزل عشان مابي يصير شي وهكذا يعني وتفاجأت بوصول الشرطه عند البيت وقالوا انت فلان قلت ايه خير. انشالله قال فيه اتصال ان زوجتك تم ضربها وتعنف والى آخره.. فأنا استغربت معقوله والا شوي وصل ابيها إلى المنزل قال تعال للقسم انت وزوجتك ورحت معهم وهيه راحت للمستشفى وخرجت بالتقرير طبي مدة سبع ايام راحة فقط والحين انا ماتوقعت وضربتها على كتفها بقفى اليد فقط
والحين انا طلبت ارجاعها لبيت الزوج وحضرت الجلسه اي ارجاعها ومابي يتفقم الموضع ويكبر ماله حل بما ان القاضي اعطهم خطاب للشرطه وخطاب لحمايه الاسريه يفيدون بأن تقرير المستشفي يقر ان الزوج هو الي ضربها واحده الحمايه لم تكن مو جوده لكن هم خلوها موجوده وكبرت السالفه الحمايه تواصلت معها الزوجه بعد ثلاث ايام من المشكله والحين الموضوع تأجل لجلسه ثانيه وانا ابي اتكلم مع القاضي اسأله ولكن بما تم تأجيل للجالسة الثانيه بيكون الحكم اكيد بالطلاق وانا بشرح له كل شي فقال لاتستعجل وبس وانا هذي المشكله لاتذكر الان يعني مدري كيف ماسمع مني شي واحس انه قاضي طلاقات ماعنده تفاهم كل مااتي السكرتير اللي برى احصل كلها اثباتات طلاق ولاعمري جيت عنده الااحصل ورقتين ثلاث إثبات طلاق كيف اغير هذا للقاضي طلاق وانت ماشي افزعو ياهل الخير والعلم تكفووووون تساعدوني وربي ماتوقعت توصل كذا عزالله بخسر زوجتي وبنتي مابها كلام... طيب هل تعتبر رسايل الجوال SMS. دليل لو أبين للقاضي ا تأكيد الرساله ]وهل تقرير المستشفى سبعة ايام يعتبر كافي للقاضي بم ان زوجتي معها سكر رقم ١ تاخذ ابر انسولين وكم مرات اجي والقاها بين الحياه والموت ونقذها وااشربها ماء وسكر لين ماتصحى والحين كم الجانب السيى وهذا اول مره تصير بيني وبينها

[ابو محمد 2]

وعليكم السلام ورحمة الله وبركاته
= التقرير الطبي بينة على ممارستك العنف ضدها اتوقع يفسخ عقد نكاحها ولك حق الاعتراض على الحكم خلال 30 يوم من تحديد موعد استلام صك الحكم.

[شخص ٣]

طيب يفسخ النكاح بالسهوله هذي ياجماعه الخير الفسخ اللي اعرفها غلي شي قوي مثل مرض مثل عيب خلقي ماتجي زوجتك بالفراش يعني ولا كيف افسخ وامشي ..وثاني شي عليه موخر خمسين الف ريال وش الوضع لاتقول كمان ادفع الموخر بعد والله الي شفته من القاضي يسويها بس الله يكفيني شره
فعلا صدق الخديث شيخان بالنار وشيخ بالجنه وهذ شر لابد منه يعني حاصل حاصل

[شخص ٣]

وعليكم السلام ورحمة الله وبركاته
= التقرير الطبي بينة على ممارستك العنف ضدها اتوقع يفسخ عقد نكاحها ولك حق الاعتراض على الحكم خلال 30 يوم من تحديد موعد استلام صك الحكم.

الشي لاصار فيه اعتراض بطول وماتدري الاوانت تاقلمت مع الوضع صار الوضع دجه
انا والله ياجماعه الخير القاضي مو حريص علي شي يعني مايحل الموضوع لاجل لاتففك الاسر وتصير العايله شتات كلها ..يعني كثلا هذا القاضي قال لزوجتي انتي كنتي رافعه فسخ نكاح زمان يعني قالت ايوه قال تشطبين الدعوئ لان التاريخ قديم وترفعينها مره ثانيه وش دخلك من جد البنت ناسيه ولاعلي بالها فسخ ولاشي بس كيف شو ياقاضي انت مهتم بامعامله الفسخ ولا كيف

[سمير عبدربه احمد]

الوضع تغير
الان ازواج يرغبون في اكمال حياتهم مع بعض باتفاق ومودة وحب فلن يذهبوا لا لمحكمة ولغيره
زوجة لاتريد زوجها تذهب وتطلب فسخ نكاح وان لم تقدم مايقنع فانها ملزمة بعوض وهو رد المهر
في حالتك لدى الزوجة تقرير طبي يثبت تعرضها للاذى منك ولو ارادت فسخ عقد النكاح فهذا مبرر يكفي الا ان تراجعت هي عن موقفها

نصيحتي لك حاول ان ترضي زوجتك واهلها لتعود لمنزلكم ولو بذلت بعض المال والمجاملات

[شخص ٣]

طيب ،،لو عندي مثلا رسايل جوال تقول فيها انه الوالد جابه من معرفة
مثل لو عندي رساله تقول فيها انها علي معرفة بشخص علي السناب شات 'هل ينصف الرسالتين هذي ويقلب الموازين ام لا ..وهذا بس اذا ينصف انا بقدمها للقاضي ولكن دون علم اهلها لااجل الستر ولاكن يعتبردليل قاطع ببين

[شخص ٣]

ياجماعة الخير والله اتكلم من حرقة بصدري كلها العايله هذي متدخل حتي بشؤؤني اختها طبعا حظرت الجلسه الاول بدال زوجتي هذي وحده وبعدين طلبت زيارة لابنتي وانا لي ثلاث شهور ماشفتها واني والله اتالم جدأ بنتي ماقدر اشوفهت معقوله وذهبنا عن الخبراءبالمحكمه لينسقون موعيدي مع ابنتي لم انتهذ من ترتيب المواعيد قال احد معترض تكلمت اختها وقالت لاهذا ضرب امها وانه معنف والله اياجماعه كاتم بصدري شي يولم جدا وانا ابي احد يساندني ولالي حيله ابي محامي يجلس معاي عن القاضي الجلسه الجايه بما ان اختها محاميه تجاريه القاضي مويدها ومقالب ضدي الحق ا

[شخص ٣]

طيب ،،لو عندي مثلا رسايل جوال تقول فيها انه الوالد جابه من معرفة
مثل لو عندي رساله تقول فيها انها علي معرفة بشخص علي السناب شات 'هل ينصف الرسالتين هذي ويقلب الموازين ام لا ..وهذا بس اذا ينصف انا بقدمها للقاضي ولكن دون علم اهلها لااجل الستر ولاكن يعتبردليل قاطع ببين

[العجمي]

المفروض من القضاة ما يستعجلون بالفسخ على طول ويطبقون الشرع الاصلاح بين الزوجين عن طريق مكتب الصلح وحكمين من اهلك واهلها ... الخ ، والمفترض ببنت الحلال هداها الله ان تدمح خطاء زوجها وان تتفاهما معاً وتعتذر لها وترضيها ( ولا تنسوا الفضل بينكم ) ، واستغرب من امرأة ان تطلب الطلاق او فسخ النكاح من زوجها بسبب زعل او ضرب غير مبرح الا اذا متكرر الامر منك .
وفيما يخص الرسائل اللي عندك مافهمت قصدك ( ان الوالد جابه من معرفة ) ورسالة انها تعرف واحد في السناب عن نفسي اقول الله امر بالستر ومهما كان هذي لا زالت زوجتك وام ابنتك مع ان الرسالة ( ممكن) يستنتج منها القاضي ان هذا من ضمن الاسباب التي ترغبها في الفسخ وممكن ما ينظر لها او ياخذ بها ولو وصلتم الى طريق مسدود لا سمح الله اطلب ان تتنازل عن المؤخر كعوض للفسخ .
وارجوا من اساتذتي المستشارين التصحيح لي ولك اذا كنت مخطئ في شي .