ظلموني الشركة بالباطل

[عامر الحارثي]

السلام عليكم وكل عام وانتو بخير

يياخوان انا عندي مشكلة مع شركة الكهرب
قبل ايام جوا لمنزل الوالد وحطوا ستيكر مكتوب فيه مراجعة الشركة
راجعتهم لان ابوي شايب كبير بالسن وقالوا لي عليكم غرامة تعدي على عداد 5000
قلت له انت من جدك ؟ تعدي مين
قال انتوا متلاعبين بالعداد

بيت الوالد مافيه الا ابوي وامي كبار بالسن ومكيف واحد شغلا بس
فواتيرهم من 250 الى 350 بالشهر اسددها
والاخ يقول انتوا متلاعبين
قلت له اثبت لي التلاعب الي تدعيه قال هذا كلام لجنة

المضحك في الموضوع ان هالسالفة طلعت معهم هالايام بعد ماغيروا العدادت الالكترونية الجديدة قبل شهرين
مدري وش قصتهم بهالشئ والمصيبة لقيت ناس كثير جاتهم هالمشكلة عشوائيا ووالله ان فيه واحد مسافر خارج المملكة له سنة وحاطين له تعدي يقولون ليش فاتورتك نزلت
المهم انا حسيت انهم اي فاتورة يشوفوها تنزل يشكون انك متلاعب
قلت للموظف وين اللجنة يثبتون لي اتهامهم او بشتكيكم
الموظف ارتبك وقال لو تشتكينا ترا بتصير المخالفة 100 الف بدل 5 الف
وش الحل ياناس مع هالنصب وين اشتكي شركة الكهرب وش المحكمة المخصصة
والله ان امي تدعي عليهم ليل نهار مقهورة لانهم يبون ادفع 5 الاف بالباطل

[ابو محمد 2]

وعليكم السلام ورحمة الله وبركاته
= ارفع تظلم لوزيرهم باسم والدك تطلب انصافه من تجاوزهم والضرر الذي لحقه منهم. ثم بعد 60 يوم إذ لم يصححون وضعهم معكم , تتقدمون بدعواكم ضد شركة الكهرباء لدى المحكمة الادارية بمنطقتكم.
أعانكم الله عليهم