مشكلة اخوي جابت لي الضيق

[abo aziz]

السلام عليكم ورحمة الله وبركاته
كل عام وانتم بالف خير وخواتم مباركة والله يتقبل منا ومنكم صالح الاعمال

القصة الله يسلمكم
عندي اخ شاب عمره 27 سنة لكن للاسف يمشي مع ناس ضايعين وحقين مشاكل
قبل شهرين اتصل فيني رقم رديت عليه وقال لي معك محقق من نيابة منطقة في الجنوب قلت له مرحبا قال وين اخوك فلان قلت له ماعندي علم ليش قال اخوك نبغاه علشان قضية نصب واحتيال
انصدمت من كلامه وقلت له وش التفاصيل قال اذا تبي تعرف التفاصيل تعال لنا في النيابة قلت له ياابن الحلال انا وين و**** وين انا ساكن في الدمام
قال المهم بلغ اخوك لازم يراجعنا
اخوي يشهد الله ماادري وينه سمعت من امي انه راح ولقى وظيفة حارس امن في تبوك داخل مستشفى
جوالاته كلها مقفلة واتوقع انهم معممين عليه
قبل اسبوعين وصلني اتصال من رقم ثابت رديت وكلمني واحد يقول انه من شرطة نفس المنطقة وسالني عن اخوي
قلت له والله ماادري وينه ولاشفته لي سنة وانا صح اخوه بس عايش لحالي مع عائلتي ومااشوفه حتى بيت الوالد مايجيه
لكن الاخ بدا يهدد ويتوعد ويقول اخوك مسوي هو ومجموعة معه عملية نصب في بيع سيارات على موسسة وفيها لعب وتحايل وغش وصار يقول لي لازم تجيبه لنا وتتعاون معنا
قلت له يااخوي عمم عليه والا ابحثوا عنه قال لازم انت تجيبه وتتعاون معنا حاولت افهمه اني ماادري وينه ولاشفته لكن الاخ يكرر لازم تجيبه انت اخوه وانتهى الاتصال
الخميس الماضي وصلني اتصال من البحث في نفس المنطقة يقولون وين فلان ورجعت اعيد لهم الموضوع قالوا لي كيف ماتعرف وينه وطلبوا مني اني اراجعهم قلت له انا في الدمام وش بيجيبني منطقتكم قال لازم تحضر قلت له احضر ليش علمني بالتلفون لكنه مصمم اني احضر او بيتخذ اجراء
انا انسان عمري 50 سنة وابو عيال ويشهد الله اني في حالي وانسان مالي في المشاكل والمراجعات ومريض سكر وضغط وربو
انا لي ايام قلقان وماادري هل اروح لهم كل هالمشوار حوالي 1000 كيلو
واحيان اقول اخاف اروح لهم ويوقفوني علشان يجبرون اخوي يجي ويراجعهم مع ان اخوي والله لو يسجنوني سنة ماراح يجي
وناس يقولون مالهم حق اصلا يتصلون عليك الا اذا بيوصلون له خبر او يستفسرون اما يوقفونك او يلزمونك تجيبه هذه مالهم حق يسوونها
واخاف اني اطنشهم ويوقفون خدماتي او يعممون عني مع اني مالي اي علاقة
ومستغرب كيف جابوا رقمي لكن قلت يمكن لان اخوي سوا لي وكالة قبل 3 سنوات راجعت له في موضوع في النيابة عندنا مضاربة مع جار لنا ووقتها عبيت معلوماتي وقت ماطلبت اقابل المحقق
والله ياناس رمضان هذا مر علي وانا في هم بسبب هذا الولد الله يصلحه ارجوكم وجهوني وش اسوي

[سعد الهوارى]

طالما اتصلوا عليك اكثر من مره وطالبين منك الحضور
الافضل تراجعهم وتشوف ايش عندهم وتسكر الموضوع وما اعتقد انهم ممكن يحبسوك الين يحضر اخوك ووارد جداً يسوي لك ايقاف خدمات في حالة عدم الاستجابة

[سمير عبدربه احمد]

اذا لم تكن كفيل او ضامن لاخيك
وايضا ليس لك علاقة اطلاقا بقضيته المطلوب فيها
فلا مشكلة عليك ولايحق لاي جهة ايقاف خدماتك الا بموجب امر رسمي او امر قضائي
ونصيحتي لك حاول الوصول الى ادارة مركز الشرطة الذي وردك منه الاتصال وتحدث الى مدير القسم او رئيس التحقيقات واطلعه على الامر

[تآئب]

لاحول ولا قوة الا بالله
الله يعينك الافضل تسايسهم وتقول لهم براجع الشرطه في منطقتي
لن احتمال يستعملونك اداة ضغط لخوك

[سعود التويجري]

لاحول ولا قوة الا بالله
الله يعينك الافضل تسايسهم وتقول لهم براجع الشرطه في منطقتي
لن احتمال يستعملونك اداة ضغط لخوك

غير منطقي هذا الكلام
فيه اشخاص لهم قضايا متعلقة بالارهاب وامن البلد وهاربين او متخلفين عن الحضور للمحاكم ومع ذلك الدولة الله يعزها مااخذت اي قريب بذنب قريبه
طالما ان صاحب الاستشارة لاعلاقة له بالقضية فلا يحق لاي طرف حتى الاتصال به

[سعد الهوارى]

طالما هما اتصلوا عليه فيعني ذلك انه له علاقة بالموضوع والافضل ما يدخل في صدام معهم لانهم في الاول والاخر هذه جهات شرطية تمارس عملها حسب ما هو مخول لها وبالطبع لم تتجاوز في التعسف في استعمال السلطة
اعيد واكرر الافضل تراجع وتشوف ماذا لديهم وتتعاون معهم ولا تصل الموضوع الي ان يقوموا بايقاف خدماتك
وفقك الباري

[العجمي]

مالهم اي حق يضغطون عليك ولا يطالبونك بإحضار اخيك ولا لهم حق يزعجونك طالما قلت ما ادري عنه وما يقدرون يعممون عليك ولا يستدعونك ولا يكلفونك بمراجعة اوو حضور ابداً الاب ما يجبر على احضار ابنه فما بالك الاخ ؟ اذا كلمك قل من انت شخصيا وسجل اسمه يقولك اذا جيت بتعرف قل علمني من انت ومن اراجع ولا قفلت الخط , واذا قالك اسمه اتصل على مديرية شرطة المنطقة اللي هو فيها وبلغ عنه ولا برقية سطرين .حتى لو كنت انت مشتبه فيك او مطلوب افادتك عن اخيك فعليهم بعث الاوراق او خطاب لشرطة منطقتك لضبط افادتك او اخذ اقوالك ، واذا كنت انت مطلوب شخصياً عليهم مخاطبة شرطة منطقتك لاحضارك وربطك بالكفالة الضامنة لتراجعهم او بعثك مخفورا هذا بالنسبة للجاني اما مسألة تلفون وتعال ولا بنسوي هذا كلام فاضي وتصرفهم ممنووووع .

[سمير عبدربه احمد]

مالهم اي حق يضغطون عليك ولا يطالبونك بإحضار اخيك ولا لهم حق يزعجونك طالما قلت ما ادري عنه وما يقدرون يعممون عليك ولا يستدعونك ولا يكلفونك بمراجعة اوو حضور ابداً الاب ما يجبر على احضار ابنه فما بالك الاخ ؟ اذا كلمك قل من انت شخصيا وسجل اسمه يقولك اذا جيت بتعرف قل علمني من انت ومن اراجع ولا قفلت الخط , واذا قالك اسمه اتصل على مديرية شرطة المنطقة اللي هو فيها وبلغ عنه ولا برقية سطرين .حتى لو كنت انت مشتبه فيك او مطلوب افادتك عن اخيك فعليهم بعث الاوراق او خطاب لشرطة منطقتك لضبط افادتك او اخذ اقوالك ، واذا كنت انت مطلوب شخصياً عليهم مخاطبة شرطة منطقتك لاحضارك وربطك بالكفالة الضامنة لتراجعهم او بعثك مخفورا هذا بالنسبة للجاني اما مسألة تلفون وتعال ولا بنسوي هذا كلام فاضي وتصرفهم ممنووووع .

بارك الله فيك اخي العجمي وانا اتفق معك تماما