اهل الخبرة المساعدة العاجلة جزاكم الله خير!!!!

[printeno]

انا جالي فيزا من مصر شغل في السعودية و انا اشتريتها من مصر و جيت هنا علي السعودية
و فوجئت بالاوضاع غير الى اتحكي ليا خالص نهائي من كل حاجه سكن وحش جدا ومشترك وغير كدا وكدا مش نضيف و عيشة مايعلم بيها الا ربنا
ثانيا انا اتعرضت للأهانة كثيرا وكثيرا من مديري المصري للاسف
فتوجهت للادارة عندنا ف الشركة واتصلت بهم و اشتكيت يا جماعة انا مينفعش الي انا فيه دة انتم اكلتم حقي
اشتغلت 90 ساعه علي مدار الشهر و حسبولي اوفر تايم 80 ريال زيادة علي طريقة التعامل بالمدرسة
وعلموني اصدقائي انك كفالتك علي ناس واصلة ومش هتعرف تشتكيهم و هيبهدلوك وممكن يعملو اي حاجه علشان يطلعوك انت غلط
وطلبت منهم انهم يرجعوني لأهلي بناءً علي ما تعرضت له من اهانة وشتيمة من مديري هناك بالرياض وغير كدا وكده انهم غير موفين بعقدهم معي ولم يتم اصدار اقامة وتاشيرتي انتهت ومش عاوز حاجه اكتر من كدا
بالفعل بلغوني تعالي علي الخبر في الفرع الرئيسي جيت علي الفرع الرئيسي بتاريخ 18/8 ميلادي
بعد ماجيت هنا اشتكيت للمحاسب بتاع الشركة علشان هو كان عاوز يعرف السبب قام المدير بمطالبتي بملغ مالي كبير وانا اساسا مشتغلتش الا شهر ونص هنا وقعدوني ف الغرفة بين 4 حيطان وان الراتب قليل جدا جدا 1300 ريال
والي عرفني ف مصر قالي لا 1300 دول مكتوبين كدا بس صوري ف العقد يعني دا غير الهدايا الي هتجيلك وغيرها كثير وشغل حلال
فوجئت ان كل الكلام دا رشاوي في مدرسة القيادة
وانا مش عاوز اكل حرام اقسم بالله لاني عارف نهايتة اية
قلتلهم انا عاوز ارجع بلدي لو سمحتم قالولي طيب استني كام يوم لما تقابل ابو... الي هوا وكيل الكفيل اقعد في السكن لحد ما نقولك هنعمل اية معاك
استنيت اكتر من شهر علشان اقابلو قابلتو قالي اية الى بتسوية هناك دة انت ساحب 1220 ريال بدون علمنا ودا طبعا اتهام لي اني عملت حجات غلط قلتلة والله ماحصل مني الكلام دة والمدير اساسا كل يوم يمضي علي الاحصائيات ازاي يعني انا عملت كدا من وراه
قالي معرفش يبقى انا هحاسبك انتا .. وانا مش عاوز احول موضوعك للجهات وكدا انزل اشتغل
قلتلة حاضر علي اساس اني اعوض فلوسي الي صرفتها الي جيت هنا وربنا يعلم محلتيش اي حاجه ف مصر والدي كبير مسن واهلي بسطاء يعني لو انا مبسوط مكنتش جيت اتغربت هنا و اتبهدل
قلتلة حاضر مفيش مشاكل قالي امضي تعهد انك مش هتعمل مشاكل وكدا وخلاص قلتلة حاضر عملت التعهد للمدير المصري هنا .. قالي لاء انا هعملك صيغة محضر و انت تمضي علية انك عملت كدا ومش هتعمل كدا تاني
قلتلة لا حضرتك كدا من الاخر بتحبسني قالي والله انا مش هعمل بيه حاجه وهعينو هنا قلتلة لا انا مش همضي علي حاجه
بناء علي رفضي هذا الطلب تم الابتلاء عليا اني كنت باخد فلوس كمان من الناس علشان اسهلهم حجات
وللعلم شغلي اساسا مدرب قيادة سيارات وهما كانو مقعدني علي الكمبيوتر لاني بعرف فيه
وكانو قالولي انك راتبك هيبقي 1800 ريال ربنا يسهل وماشوفتش اي حاجه من دي خالص
المهم واجهوني قالولي هتمضي علي المحضر بالحجات دي علشان نعرضها علي ابو ... ولا لاء
قلتلة انا عاوز اقابل ابو .... ومش ماضى علي حاجه لاني معملتش حاجه
اخبروني فيه ناس معانا ارقام تليفوناتهم وهيشهدو عليك قلتلهم انا معملتش حاجه شوفو الى هتعملوة
والان انا وضعي لايمكن اوصفهولكم ازاي انا اتحوجت للناس بقالي شهرين و 14 يوم مقعديني ف غرفة ومش راضيين يشغلوني ولا حتي ينزلوني بلدي تاني ولي 18 يوم شغل ماقبضتهمش مش عاوزين يقبضوني ومش عارف اكل ولا اشرب . وتعبت بصراحة نفسيا وعايز اموت نفسي والله لولا حرام واهلي الي ف مصر دول هيعملو اية
غير كدا وكدا طلبت منهم انزل الشغل لحد مايشوفو اية هيعملوة قالولي لاء خليك ف السكن لحد منردلك خبر
وكل يوم مماطلة و اتضريت الان اني اشتكي في مكتب العمل بالفعل ولكنهم يبتلون عليا و اخبرني امام مكتب العمل
هات 2500 ريال و احنا هنعملك خروج نهائي و تتنازل عن الشكوي بالمكتب اخبرتهم ان امعيش فلوس اساسا
وانا الى بطالبكم بشهرين بل بالعكس انا من حقي اطالب بحق سنة و اطالب برد اعتباري عن الاهانة والشتيمة الى تعرضتلها من مدير المدرسة هنا
وبناء هذا الكلام علي عدم توفيكم بالشروط المنصوص عليها في العقد الي اساسا اخبرتوني في مصر انه ملهوش اي لزما
قام المحقق.... اخبرني يعمرو انت الان ايش الحل احنا عاوزين نوصل لحل
قلتلة يا استاذ ... الحل اني اخد مستحقاتي و يسيبوني اروح لأهلي انا بقالي شهرين مرمي في السكن
بشحت فلوس من الناس و قربت اقف في اشارات المرور اشحت فلوس من اي حد
لان الى بيعطيني فلوس واكل اليوم ماراح يعطيني تاني ولا اريد ان اتحامل علي احد اكثر من ذلك
دا غير حالتي النفسية الى انا فيها وانا جاي هنا والناس دي ضحكت عليا ف مصر و باعولي وانا اشتريت العقد دة
مع انه ببلاش المفروض ولكني لم اكن اعرف الا عند وصولي المملكة لاني اول مرة اسافر
وتم تحويل التحقيق لليوم التالي بكرة الخميس ان شاء الله والله المستعان
اتصلو عليا و اخبروني اتنازل عن الشكوي و هنعملك خروج نهائي وخلاص قلتلهم لاء انا عاوز مستحقاتي بل انا هطالب بمستحقات سنة كاملة واجر شهور القضية لحين البت فيها
واطالب بتصريح عمل علشان اعرف اكل واعيش لاني لا املك اي مال بالعكس انا مديون بفلوس كثيرة الان لإناس كثيرة اعرفهم هنا جزاهم الله خير انتم حوجتوني للناس

[printeno]

* السؤال الان
هل يحق لي طلب تصريح عمل من مكتب العمل علما بأن لي جلسة اليوم باذن الله والتي تعد الثانية مع المحقق
ثانيا انا من قام بالإدعاء وهو أتهماتة لي من مدة تزيد عن شهرين يعني انا اترميت في السكن شهرين و 17 يوم تقريبا
ثالثا طالبني امام المحقق في الجلسة الاولي ان ادفع له 2500 ريال و يسويلي خروج نهائي وانا متمسك بحقوقي
رابعا تم تهديدي وتقديم اوراق ليس لها صحية بالنسبالي ولا اعلم عنها شىء مثل ما اخبرت المحقق و تم اخباري انهم سوف يجبلون ناس تشهد عليا عادي
علما بإنني بمفردي ولا املك الا الشكوي لله ولكن جزاكم الله خيرا اذا احد يساعدني كيف اتعامل
علما بإنني اريد العمل ولكن ليس لدي الشركة دي ليست عندي ثقة بها مرة ثانية بعد الي حدث معي هذا والزل الي اتعرضتلة
هل من حقي طلب تصريح عمل لحين البت في القضية ولا هذا مش من حقوقي و هل انا في موضع خطر الان ؟؟
واذا انا مدين منذ شهرين لم يبلغ عني ليه ؟ قال للمحقق انا مش راضي اشتكية علشان خاطر والده ؟
من فين علشان خاطر والدي ومن فين بتقولي يخربيتك ويخربيت اهلك والى جابك ؟؟؟ وهو يعلم كويس انه لو كان قادر علي كان قدمني للشرطة من بدري

ما رأي اهل الخير واهل القانون ؟؟؟

انتظركم الله يجزيكم خير لا تتأخرون عليا انا وضعي حرج

[printeno]

بعد اذن الادارة ممكن حذف اسم المحقق .. للسرية الموضوع

[ميمو memo]

كان الله في عونك
استعباد لابعد درجة
هذا نظام الكفيل في الاستقدام

انتبه ثم انتبه ثم انتبه تةقع على امور لم تفعلها
والا فالنتيجة اما ان تعمل ليل نهار بدون مقابل او السجن
فاحذر من تهديداتهم
وتقدم الى اكبر مسؤول للشكوى حتى لو تروح الامارة
ان شاء الله ينصفوك

[باحث أنظمة]

اخي الكريم اولاً يجب ان تفهم جيداً ان النظام يطبق علي الجميع والناس امامه متساوين كبيرهم وصغيرهم
ثانيا انت لم تذكر مطالباتك العماليه بالتفصيل كي اجيبگ ولم تذكر بدايه عملك وتاريخ ايقافك عن العمل وهل هنالك عقد عمل ام لا
ثالثا هذا القسم خاص بالقضايا العماليه اما فيما يتعلق بغير ذلك فله اقسام اخرى قد تجد اجابه افضل مني اعانك الله

[printeno]

اخي الكريم .. متشكر جدا علي الرد
وفعلا كلام حضرتك مظبوط بالفعل المحقق سئلني ما طلباتك بعد أن ظهر موضوع في حقي
تركنا ساعتين فترة من الزمن نذهب ونعود علي اساس المصالحة ويعطوني 750 ريال و احجز انا تزكرة السفر ولكن عندما ذهبت في الفترة المتاحة
رجعت علي العمل وقابلت صديق لي اخبرني المحاسب بيدور عليك وكدا ..خير يا عمي عاوز مني اية هوا
اتصلت بالمحاسب والله علي ما اقول شهيد يعني هذا حصل لاني معملتش للناس دي حاجه
اتصلت الو ياباشا خير حضرتك سئلت عليا قالي انا اتصلت بالمبرمج بتاع الشركة الي بيعمل صيانة للبرنامج
واخبرني ان مفيش اخطاء حصلت او سحوبات زي مهما افترو عليك علي فكرة
مفيش الا وصل واحد ب 218 مسحوب يوم 18 وهذا اخر يوم جلست فيه ف فرع الشركة في الرياض
والوصل الثاني مسحوب يوم 21 يعني بعد فترة رحيلي من المدرسة بأيام .. هل هذا يعني ان انا اساسا الى بعمل كدا ولا مدير المصري الى هناك

؟؟؟؟؟؟
قلتلهم في نهاية كلامي انا مش راضي بالعرض دة وانا بطالب ان المسئلة تتحول للهيئة القضائية وهي تحكم المحكمة الإبتدائية

قال له المدير ياريت تثبت ان هوا الى رفض الصلح و احنا كنا عاوزين قلتلة نعم بالفعل اريد اثبات ذلك و سوف استشهد في المحكمة بمحاسب الشركة
واي شخص من اصدقائي شاهد علي اهانتك لي كثيرا خصوصا قدام المحقق اهانتني مرتين و سوف اطلب شهادتة ايضا .
ومطالبي الاخيرة : تعويض عن ألضرر النفسى والبدني الى انا اتعرضتلة خلال فترة شهرين بين 4 حيطان
* تعويضي عن مدة العقد 3 سنوات لانهم لم يفوا بوعودهم لي و اصدرو لي أقامة وتأشيرتي انتهت اساسا .
إذا انا مذنب بالفعل لماذا لم تطلب الشرطة من بداية الموضوع لية سبتة يتعدي شهرين ؟؟ وزيادة ( هذا كان سؤالي للمدير )
قال انت كنت منقطع عن العمل .. سؤالي ( لماذا ما أخطرت مكتب العمل بعد انقطاعي بالعمل لمدة 5 ايام ) وللعلم كلامي يا سعادة المدير دا من القانون السعودي

والان ننتظر يوم الثلاثاء بعد العيد كل عام و انتم بخير

[printeno]

تاريخ اقافي : بعد وصولي المملكة بشهر و ثماني عشر يوما ً ..
وتم أخباري تعال إلي الخبر ,, من قبل المدير المصري جيت بالفعل وكان الى انا شوفتة

نعم يوجد عقد عمل بيني وبينهم بالطبع ومدتة 3 سنوات

راتبي 1300 ريال ( طلبت كمان تعويض الشهرين + مدة العقد )

كان المدير قدم شكوي هو الاخر .. ولكن سبحان الله ربنا أحال عليه نفسة
كاتب : نطلب بالتعويض عن حق الاقامة وهي 2500 و حق مش عارف اية و شوية حجات تانية و 800 تأمين ؟
كان ردي عليه : قلتلة انت ازاي تكتب دة في الشكوي و انا اصلا مطلعتليش اقامة ولا حتي تأشيرتي لسا صالحة
انا بطالبك بحقي و كمان تذكرة السفر عليك زيادة علي كل دة

ما رأيكم .. في موضوعي واتمني التواصل معي

[printeno]

ميمو memo اخي الكريم شكرا لأهتمام جزاك الله خير .
وكل عام وجميعكم بخير وصحة . وللأسف انا مشكلتي مع مديريني المصرين الاتنين

السعوديين .. ناس طيبين .. وانا وكيل كفيلي راجل طيب لكن المدير بيزن في ودنة كتير والزن علي الودان امر من السحر

الله يعيني عليهم ولكن انا اريد احد يقولي موقفي امام الشيوخ توقعات اية
وهل ممكن يتوسطون للشيوخ !!! .؟؟

[printeno]

للرفع اهل الخير والخبرة ياريت الافادة

[باحث أنظمة]

اخي الكريم هل في عقدك منصوص علي فترة تجربه لمدة تسعين يوم او لم ينص علي ذلك
اذا نص علي فترة تجربه وكان لصاحب العمل الحق في فسخ العقد خلال هذه المده فله ذلك لوجود فترة التجربه اذا لم ينص علي ذلك فيحق لك المطالبه بالتعويض عن فسخ العقد والمطالبه برواتبك عن الفتره التي عملتها لدي صاحب العمل ولك المطالبه بالسفر علي حساب صاحب العمل
وان رغبت في الصلح فالصلح خير وان شاء الله سيعوضك الله عما تركت والله اعلم

[printeno]

نعم ينص علي ذلك .. فترة 90 يوم و انا اتعديتها كمان
ولم يعطوني راتب شهرين ولم يتم اصدار إقامة وتأشيرتي أنتهت كمان