بخصوص نفقة الأولاد

[الخاطر]

السلام عليكم ورحمة الله وبركاته
عندي إستفسار بخصوص نفقة الأولاد بعد الطلاق طلبت زوجتي 1000 لكل ولد وعندي ولدين ذكور وانا ما أستطيع نزلها القاضي الى 700 ورفضت هي قالت 800 ماتنقص ويال وانا راتبي 7300 وبتزوج وبستأجر بيت وعلي قروض اللي يبقى من راتبي 1200 معقول الكلام ذا المهم اعطاني موعد ويقول القروض مالها دخل بنفقت الاطفال ولا تزوج الى ان تعرف نفقة اولادك هذا كلام المهم سألني كم تقدر تعطيهم قلت انا اللي يبقى من راتبي 1200 ريال بقسمها بيني وبين عيالي ومحد يترك عياله اساسآ ياشيخ الله يقدرني وينتهي الدين اللي علي ويبشرون هذولا عزي بعد الله والله ودي ماينقصهم شيء في الدنيا قال الجلسه القادمه ننظر في الموظوع ارضى بـ 700 لكل طفل ولا الجلسه القادمه بخلي النفقة 1000 لكل واحد وش ذا والله عيالي مايصرفون 2000 يوم كانو عندي مع العلم ان امهم كل شوي ترسلهم علي وتقول خلو ابوكم يقضي لكم فوق المبلغ اللي ارسله شهريآ وفعلآ البسهم وامشيهم وابسطهم ع الأخر
وايش يعني طلبني اخالعها مقابل نفقتها !
هل هو طلاق ؟
لانها سبحان الله مره جابت لي الجنان هذه خامس جلسه كل شوي طلب في المحكمة مره حضانه ومره طلاق ومره فيخ نكاح ومره نفقة لها والأن نفقة الأولاد والمصيبه كل شوي والطلب يجيني في العمل فشلتني والان بعد تقول مهي راضيه ب 700 لكل ولد يعني فتره وترفع قضيه زيادة نفقة تبي تسويها زي العلاوة السنوية ادميه فاضيه ووراها ناس الله المستعان يموتون في الشر

[الخاطر]

يا اخوان احد يفيدنا لو تكرمتو اهل الخبره والمستشارين اللي حدد النفقة مكتب الإصلاح ب 800 لكل طفل واعمارهم 10 و 7 سنوات ذكور معقول 1600 والراتب 7300 وانا عندي إلتزامات وديون ايش اسوي يعني لو الراتب 10 الاف ممكن لكن مره طايح الراتب اللي يبقى لي منه 1200 معقول ذا الكلام

[سائر]

اطلب لجنه تحديد نفقه انا كذا طلبو ٩٠٠ ورفضت وحاول القاضي يجبرني ع ٦٠٠ ورفضت طلبت لجنه
وفرشت لهم ديوني والتزاماتي وكم يبقى من راتبي واني ماقدر الا على ٥٠٠ ريال حاولو لجنة الاصلاح يزودو لو ١٠٠ رفضت وفعلا اقنعتهم بديوني من وين اجيب يعني وكيف اعيش انا وعندي عايله وواوصو ب٥٠٠ و وافقهم القاضي الراي
اانت جيب ديونك وثائق رسميه وبرنت من الراتب واذا شافو ان الامر جد ومايبقى الا الي تقوله راح يوصو ع قدرتك الماليه لا ضرر ولا ضرار

[العقل المدبر]

احظر مايثبت ديونك ومصاريفك مثل ايجار وفواتير شهرية
والقاضي ليس ملزم بما جاء في ملاحظات مجلس الصلح

[الخاطر]

اطلب لجنه تحديد نفقه انا كذا طلبو ٩٠٠ ورفضت وحاول القاضي يجبرني ع ٦٠٠ ورفضت طلبت لجنه
وفرشت لهم ديوني والتزاماتي وكم يبقى من راتبي واني ماقدر الا على ٥٠٠ ريال حاولو لجنة الاصلاح يزودو لو ١٠٠ رفضت وفعلا اقنعتهم بديوني من وين اجيب يعني وكيف اعيش انا وعندي عايله وواوصو ب٥٠٠ و وافقهم القاضي الراي
اانت جيب ديونك وثائق رسميه وبرنت من الراتب واذا شافو ان الامر جد ومايبقى الا الي تقوله راح يوصو ع قدرتك الماليه لا ضرر ولا ضرار

طيب حكموا 500 لك لكم ولد انا 2 عندي واحد 12 والثاني 7

[الخاطر]

وجايبة له امه مدرسة و سواق يوديه للمدرسة وكله عشان تضيق علي وماتزوج لانها عارفة ظروفي

[سائر]

طيب حكموا 500 لك لكم ولد انا 2 عندي واحد 12 والثاني 7

واحد وراتبي عشره لكن ديوني ثلاث ارباع الراتب التزامات وديون
جبت اوراق رسميه بديوني مع العلم حاولو يضغطو علي لجنة الاصلاح
وقالو مالها دخل بلديون لا وقالو ليه تتزوج دام عليك ديون

[العقل المدبر]

500 مقارنه براتبك مناسبه
وبنسبة للسائق والمدرسة كل مايحتاجة الابن انت ملزم بتوفيره . الا اذا كنت مستعد لتوصيل الابن الى مدرسته يوميا

بنسبة للديون نعم تؤثر ولاكن ليس كل دين مؤثر
يعود الامر لتقدير القاضي وما اذا كان الدين ضروري او لا

[الخاطر]

500 مقارنه براتبك مناسبه
وبنسبة للسائق والمدرسة كل مايحتاجة الابن انت ملزم بتوفيره . الا اذا كنت مستعد لتوصيل الابن الى مدرسته يوميا

بنسبة للديون نعم تؤثر ولاكن ليس كل دين مؤثر
يعود الامر لتقدير القاضي وما اذا كان الدين ضروري او لا

الدين ظروري واستقطاع
الراجحي + بنك التسليف = 3700
باقي الإيجار ما استأجرت وماتزوجت للأن ولا عندي سياره للدوام ومخالفات + مصاريفي منها مواصلات وغيره
وبالنسبة للعيال هم في مدينه وانا في مدينه ما اقدر اوصلهم لكن هم يروحون مع خالهم
المهم اللي يبقى من الراتب قبل الاجار 3200 والقاضي شرحت له وضعي قلت بتزوج قال لاتتزوج حتى تعرف نفقة اولادك وش رايكم يعني لو فرضآ قال كل طفل 500 يبقى لي 2000 هذا وانا عزابي والله ماتفتح بيت